| تبليغات | X |
|
من کیمسه یه وورولمامیشام اورییم الیمده دونیانین قیزلاری آلتــین قــیزلاری سئوگیلیلم دیلر... ایندیسه هرنه سیز یوواسیز قوشام ائو سیز ائوجک سیز... دونیانین هر یئری اوریـــیم وطنیم دیر. + یازیلیبپنجشنبه 1387/04/13 11:54 بعد از ظهر رضا وعیدی |
گوزلرین جیغ جیغا اون یئددی ایللیک جیغ جیغا گیلم بیر باخیش ایچیب... کئفـلی ـ کئـفلی دولانمـیشام گئـجه نی دامـــلا ـ دامـــلا دامــارلاریــمـدا ســـنی یــاس تــوتــوب گــوزلریــنده مین عاشـیق بـــو یـــازیـــق کــونـــلومــون هانی کفنی ایـــندیـسه گـــوزلـــریـــن هـــارا آپـــاریـــر هـــاردادیـــر هــاردا ســـئوگیـــلر وطــنی قـــوجـــاغــی ،نئــیلییم اومـــود ائـــویــدیر یـاشـــادیر گـــوزلـــریـــنده یـــول کســـنی نــم نه جــور کیم کیمــه نه سویله یه جک کیـم بیلیر هــن دی یوخـدو، یوخدو هــنی کئفلـــییم ساغ ســـولــوم هایانــدا قالـیب ایــتــیریــب هـــم اوزون وهـم ده ســــنی دونــموشم تــانـــری یاُُُُُُُُ هه جـیغ جـیغا یــا کئــفلی- کــئفلی دولانمیشام گئــجه نی آبان ۸۶ شاهین دژ + یازیلیبدوشنبه 1387/02/09 1:16 قبل از ظهر رضا وعیدی |
ســوز ویریب تــانـری اوزونــدن ، منه پــــای گـــوند ه ره جک ســــوز ویریب دیـــر کی منه ، بیر منه تای ، گــونده ره جک نیســگیلیم دیـــر منه بو غــملی گئـــجه ، بــــیر ده پوسـوز دره جــــک گــویــــدن اومــود آلماسی ، آی گــــونده ره جک نه بــیلــیم بلــکه پـری لر پـری ســین ، سئـــچـــــــدی منه بلــــکه سللر گلینین ، بلکه ، ســـا رای ، گـــــونده ره جک من دئدیم سئوگی دی سئوگی ، داها غم یوخ ، سئوگی نه بیـــلیدیم گــونــو گــــوندن ده ، قـــــولای ، گونده ره جک ایندی ، توی توتــــمالییام یوخســــا کی یاس ، بیلمه ییرم قــارا آخ لار آغــی بیر ماهــنی جـــا ، وای گــــــونده ره جک *** بل لیــدیر تـــانــری، ســـویـــوق توپراغی ، بیچمیش بویوما داهـــا قبر ایـــچره گلیــب ، ناش نانا نای ، گـــــونده ره جک قیش ۸۶ + یازیلیبیکشنبه 1386/11/28 3:43 قبل از ظهر رضا وعیدی |
هر بیـر باخیـخشدا اولدوروسن قـات با قـات منــی گل بو گوروشده اینـصافین اولسون ساغات منــی بیـر عومـرودور یوخـومدا گــزیر اینـجه وار یـوخــوم گــرچــک باغــیشلا ، رویــالاریمدان اویـــات منــی غمدیر ، شیدیرغی یاغمادا ، من جوم جولوق کدر بیــر دامــلا قالمــیشام جالانـام گل بوشات منــی سن ســیز اوشـاقلاریندا گوزونده هئــچ اولموشام هاممی ســانیر گودوکچو منــی یاغی لات منــی قارلــی ساچیــملا گورمه یی آینــامدا چک مه ییـر داغــدیر کونولده گنج یاشــیم ، گل قوجـات منــی هر کیــمسه گـوز تیــکیر گوزونه اود تــوتـور یانــیر یاندیر منی قوجاقلا بیر آن ، ... بیر ساحات منــی ... دیندیر گولوم دانیشماغا چک ، سوسما توتمیشام بیر عومر ایر دانیشماسا ـ من ـ بوشلا ، آت منــی ایلکـین یارانـماغیـم ، دوواری ایـری ائـو ، سانیـب وور بیـر بیـره داغ ی ت ، یئنی دن سن یارات منـی ۲۳/۸/۸۶ + یازیلیبشنبه 1386/11/06 0:5 قبل از ظهر رضا وعیدی |
باشیمیزی بیر پاپاغا وردیک بورومه دی اینیمیزی ... و سویوق سومویوموزه دک یئریدی او یوخاری دا باغدا آلما قوخوسو ووردولار .... ... و بو باشدا اوره ک ـ اوره ک دالیمیز یانیر آه ... ، نه بلادیر سئوگی ده ده سی ده یاندی ....!! و بیز خیراتا گئددیک او یوخاریدا خبر یوخوردو بوش وریردیلر یوخلوق یئدیک و ایچریدنده هئچ .... بئهشت جهننم !! هله یئر توپور مه یه بیزی ... شو کور یئری وار شوکور !! آه ، ... مریخ بو شر او بشر دگیل صاباح قیامت قوپاجاق یاشاییش ....!! اولوب اولماماغیمیز دا هله ... قولاق آردی ائدیک تک لیک گویردی و بیز گرک سیز گودازا گئد دیک .... ۱۹/۷/ ۸۶ + یازیلیبیکشنبه 1386/09/25 1:26 قبل از ظهر رضا وعیدی |
ســـن اولماســان دامــاریمــدا ٬ آغــی گـــزر حیاتی قاریــش ـ قاریــش قـازامـات جاینــاغـی گـــزر حیاتی و یوخــلوغـــون بیــلیســن کی اتیــن توکــر آدامیـــن ساغــین .. !! سولونــدا آدام ساپلاغی گـــزر حیاتی نه غم اوزاخدادی مندن ... نه من ... آییــم چیخســـا آداخلانیــب گونــه شــه ٬ دان چاغــی گـــزر حیاتـی آمانــدی یوخ منــی بوش بوشلاما کی اوز باشینــا .. .. قــالانـدا ٬ بیر دلــی یـوخ ٬ بیر یاغــی گـــزر حیاتی اویــوندو بو یاشــاییـــش بیـز اویــونجاغــیق ٬ آنجــاق او گـــیزلی ساپلا ٬ الـــین ٬ قولـچــاغی گـــزر حیاتـی نه سنــدن ایـز قالاجـــاقـــدیر نه ده بــو سـئوگینـــدن آدام گئــــــدر ٬ اولــومــون بایراغـــــــی گـــزر حـیاتی ۱/۷/۸۶ + یازیلیبدوشنبه 1386/08/07 7:11 قبل از ظهر رضا وعیدی |
..... و ساحات دووارــلاریــن خالــــی دوزون دئسم .... قلبی تیکـ ـ تاک !! تیک ـ تاک!! باشــیـنا ووروب باشینا دوندویوم دولانیر باشـــینا و دانیر گلیپ کئچه جه یی هر نه واری ـ هر نه یوخو یوخویا قالیریق و گوزلر یمیز هله ده آچیق اوت مـه ییــن گــوزومـوزو اوزوموزو ابدی یوخــویا یوخ !! حسرت تو تورم بو زندان بو زندان ائله انی بویو بودور و ساحــات یــئــنـه تیک ـ تاک!! ت ئ ت ئ یئــری باشــینا دولانیم یئــری موغــایـــات اول گئــری یه اوممایاسـان گئری یه ...... تاک ـ تیک !! تاک ـ تیک !! بو سـاحـات لاریـن اولـو مه سوروت له مه یه ... آیری تاک تیکی دیر !
۱۷/۷/۸۶ + یازیلیبپنجشنبه 1386/07/26 9:37 قبل از ظهر رضا وعیدی |
...سن گلمه ییر سن و دونیا قوب قورو قایا قـــوب قــــورو داش یاغیش دوعاسینی اوخویار کن سن ... سن... باغیریریق قیریریق هر نه دن بیر سووورما تورپاق اولوروق یـــوخ اولــوروق یـــورولـــــوروق ... سن گلمه ییر سن و سئوگی قـــورویــان بیر گول ..... تاریخ بویو تقویم آراسینـدا ۲۵/۶/۸۶ + یازیلیبشنبه 1386/07/14 11:10 بعد از ظهر رضا وعیدی |
آنام دئیر
" اولمز " قیزیل گولون کوکونده اوره گینده بیتمز آت یئمز ایت یئمز آدامین اوره گینه گلیر گولوم آغلامالییام اوزومو بو اولوم قارقیشی اوخشاماییرام یاشامی بو سویوق شامی کوکسونده یم آنجاق ایندی گرک سیزم باتمیشام او ر یی نه دی ۸۵ اولمز : نام بوته خاریست که در برخی کوهپایه های اذر بایجان میروید . از خصوصیات بارز این خار : در تمام فصول پابر جا بوده واز بین نمیرود - در نزدیکی هیچ گلی نمی روید ـ هیچ خاصیتی نداشته بطوری که هیچ حیوانی از ان تغزیه نمی کند ـ خاریست زهر دار که در صورت تماس با انسان فوق العاده درد ناک میباشد.... + یازیلیبشنبه 1386/07/14 11:8 بعد از ظهر رضا وعیدی |
من جهنم بئله اوچماقدا نئیم وار سن سیز گنیش اولدوقسادا جنت منه دیردار سن سیز توکولورقول قانادیم دنیا سیخینتی کوره سی یاندیریب یاخمادادیر کونلومو داغلار سن سیز یازیمین یوخ که سری قیشدیر آلیپ آغزینا.. آه دونیامیزقارـ قیش الینده ا له نیر قار سن سیز قارا هورمک دی هورومجک کیمی توی توتماغیمیز یاسا باتساق یئری وارآغلاماقا یار سن سیز نه دیر اولمک؟ سنیلن ال اله سن سیز یاشاماق نفس آلساق بئله قالساق بیزه دیر عار سن سیز جومــا لار آه جـومـالار تـورپـاقا آی گـون آنـلار آنلاماق چوخ چتین اولموش یئنه ایلقار سن سیز مني بو سيس هاوادان چن يولاغيندان قورتار بوغولور هر نه واريم هر نه يوخوم وار سن سيز اوزومي آتديم اوزومدن كي دوزم يوخلوغونا نيلئيم كي دوزومه قالماييب اينجار سن سيز/. ۶/۱۱/۸۵ + یازیلیبشنبه 1386/07/14 11:6 بعد از ظهر رضا وعیدی |
|